Bienvenido (De Ungria)

Bienvenido

(A Bisaya Translation)

Sa dihang gibuhian niining mga pulong ang akong mga kamot

Nanlakaw sila, silang tanan nanlakaw

Para mangita sa ilang amahan.

Manguli sila

Nga sa una hugot ngangupot sa akong mga bukton

Mora bag ako usa ka solido nga gamayng bahin nga butang

Sa nasod nga atong gibiyaan.

Nagkabildo ta bahin sa kagutum ug ngi-ob nga dalan,

Sa mga sulat nga wala nadawat,

Sa esnow ug mga kahoy sa apol ug bag-ong pulong nga natun-an

Para ihulagway ang mga kaguol

Ug mga bag-ong asdangon.

Karon ang kahayag napalong na pod

Ang kawalay sulod sa kangitngit

Morag naghimo  sa kwarto nga mas dako.

Diri akong mahikap ang tanan.

Ang katulog buhi uban sa mga sofa ug balay,

Mga insekto ug laso ug suba sa akong pagkabata.

Siguro mao kini hinungdan ngano sigurado akong mouli --

Sama sa gugma sa babae nga nawala,

Sama ngadto sa gugma sa babae nga gihigugma,

Nga walay kalooy, sa sinekreto,

Nga ako nipalayo

Kung siya moduol kanako.

Ang balak mao ang naghulma kanako.

Kinahanglang makigbisog ako para sa grasya

Ug sa kalayo nga akong gipangita,

Hangtud nga ang matag estorya nga akong nakuha sa isla

Diin ang tanang gibati nagsugod.

Natapos na ba kini? ---

Para makalakaw ako diin tanang mga estorya niadto

Para ba morag usa ka lugar

Nga akong matudlo diha sa isa ka mapa,

Naandan kini sya pero wala pay nakabisita,

Ug naghimo kining ug dako nga kalainan sa kinabuhi nga gipuy-an,

Ug ang kalainan nga gihimo niini

Kalainan lang ba sa pulong?

Nagpadayon ako, magpadayon ako.

Siguro para lang makalain lang ako ug dalan

Nga tingali makahipugwat  sa mga nali-lian

Sa kaumahan ug bugnot sa dagami panahon sa kilumkilum, ug

Gilangaw gilamok

Nga mga alingawngaw sa dughan

O mga tiktik sa abog

Nga gadikit sa panitpanit sa tintin

Gisungag sa kagabhion

Ang kalinaw sa akong kalag

Naghilab akong tiyan sa mga

Kinwrasan sa iring nga ngadagan sa akong

Mga gitugaw nga mga damgo

Sa kanunay nahipugwatan

Sa tihik nga kalouy

Sa tihik nga kaikag